Gorenje Simplicity Collection

Мен өмірде өте қарапайым философия ұстанамын. Мен, өз дағдыларым мен мүмкіндіктеріме сай келетін заттарды бағалаймын. Өзімнің тұрмыстық кеңістігімді өз қалауымша құрамын және толтырамын. Сондықтан мен, өз өміріме сай келетін техниканы таңдаймын. Ал Gorenje Simplicity-дің мінсіз әрленімдегі ақ және қара түсті аспаптары пәтерімнің ішкі көрінісін керемет толықтырады. Олар менің өмірлік ырғағымды қамтамасыз етеді. Себебі, мен оларға емес, олар маған қарай икемделеді. Өйткені бұл Simplicity!

Әдемілік. Оңайлық. Қолжетімділік.


Ақылға қонымды таңдау

Gorenje Simplicity топтамасындағы аспаптар қолайлы болып табылады және оларды жиі қолданылатын күйге өткізу өте оңай - ол үшін тек қана реттегішті бұрау жеткілікті.

Ыңғайлы дизайн

Өзінің жүйелі желісі, табиғи материалдары мен эргономикалығына байланысты бұл аспаптар кез-келген үйге керемет жайғасады.

Бейімделгіш технологиялары

Жетілдірілген аспаптары біздің бұрынырақ таңдаған күйімізді есіне сақтап қалады да, келесі қолданыста оны бізге ұсынады. Растау үшін батырманы басу жеткілікті. 

Тамаша баға

Аспаптар қолжетімді бағада ұсынылады, яғни сіз оларды сатып алу барысында-ақ үнемдеуді қамтамасыз ете бастайсыз. Бұған қоса, озық технологиялардың арқасында, сіз тек қана өзіңізге қажет болған затқа ғана ақша төлейсіз, бұл  болашақтағы үнемдеуіңізге мүмкіндік береді.  

СЕНІМДІЛІК. ҚАЙТАЛАУШЫЛЫҚ. ОҢАЙЛЫҚ.

Қондырылмалы тұмшапештерде жиі қолданылатын күйді жадында сақтап қала алатын және келесі қолданыста сізге сол күйді қайта ұсынатын, яғни сіздің  қайталауыңызды қажет етпейтін AdaptTech пісіру технологиясы қолданылады. Тұмшапештер ақ және қара түсті аспаптарына толық үйлесімде болады. It's so me!

AdaptTech пісірмелері

Бұрын қолданылған күйге қайтадан келтірудің қажеті жоқ

Тұмшапеш әрбір алдын-ала құрылған бағдарлама үшін сіз белгілеген температураны жадында сақтап қалады да, келесі қолданыста сізге соңғы қолданылған немесе жиі қолданылатын мәнді ұсынады.

Консервілеу бағдарламасы

Консервілеу үшін сенімді көмекші

Арнайы алдын-ала құрылған бағдарлама, сіздің жапқан консервілеріңіздің маусым бойынша жақсы және ұзағырақ сақталуына өз септігін тигізеді.

Тұмшапештің GentleClose есігін жабу жүйесі

Бұл жүйе тұмшапештің есігін жабу барысында қосымша жайлылық сыйлайды.

Тұмшапеш есігі ешбір күш салмай-ақ, дыбыссыз және бірсарынды ашылады.

Сенсорлық басқармасы бар электронды бағдарламаланатын таймер

Қолайлы әрі түсінікті басқару

Таймердің көмегімен Сіз ас дайындау уақытын және оған қажетті температураны белгілеп құра аласыз. Бұл көрсеткіштер, сонымен қатар, қолданыстағы ысыту жүйесі жайлы ақпарат, экранда анық және түсінікті болып көрсетіліп тұрады. Таймердің беті теп-тегіс, сондықтан оны жуу оңай әрі ыңғайлы.

АВТОМАТИКА. ОҢАЙЛЫҚ. ҚАУІПСІЗДІК.

SimpleOff реттегіштерінің арқасында мен бұдан былай газ қосулы қалды ма, әлде жоқ па деген уайымнан арылдым. Газ конфоркалары инновациялық бағдарламаланатын таймермен жабдықталған, ал ол конфоркаларды белгілі уақытта сөндіріп тұрады. Simplicity Collection -нің басқа да ас-үй аспаптарымен бірге тағамды менің қалауымша дайындауға мүмкіндік береді. It's so me!

SimpleOff бағдарламаланатын таймері бар газ алаңы

Тағамды қауіпсіз ортамда, оңай, ыңғайлы және өз бақылауыңда жасауға мүмкіндік береді

Электронды таймер орнатылған эргономикалық реттегіш-тұтқасы тағамды әзірлеу уақытын реттеуге (99 минутқа дейін) мүмкіндік береді. Белгілі бір уақыт өткен соң, газ конфоркасы автоматты түрде сөнеді және бұл жайында дыбысты белгі беріледі.

BoilControl

Қайнап кетуден сақтау

BoilControl - бұл конфорканың шығу қуатын уақытша реттеп отыратын автоматикалық жүйе. Басында от барынша жоғары қуатта жанған соң, ысыту жүйесі тағамның қайнап кетуіне және пісіп кетуіне жол бермейді және отты қажетті температурада бірқалыпты ұстап тұрады.

SmartControl көмегімен бақылау өте оңай

Тағам дайындалуын максималды түрде бақылау

Тағамды дайындау уақытын әр ас әзірлеу аймағына бөлек жеке-жеке құруға болады. Құрылған уақыт аяқталғанда таймер автоматты түрде әзірлеу аймағын сөндіреді және оны дыбыс белгісін беру арқылы білдіреді.

Шойын торлар

Тұрақтылық және ұзақ ғұмырлық.

Шойын торлар газ плитасының төзімділігін арттырады және сыртқы көрінісін жақсарта түседі. Мықты материалдан жасалғандығынан бұл торлар өте жоғары температураға төзімді болып келеді және аса ұзақ уақыт бойы қолданыла алады.

SuperPower индукциялық конфоркасы

Тағамды тез әрі тиімді дайындау, сондай-ақ оңай тазарту

Жылдам және тиімді индукциялық плиталарының көмегімен Сіз әрдайым тәтті әрі денсаулыққа пайдалы тағамдар дайындай аласыз. Жылдам әрі өнімді түрде қолдануға арналған SuperBoost функциясы, тағамды өте тез әрі тиімдірек даярлауға мүмкіндік береді, сонымен қатар электр энергиясы мен уақыт үнемделеді.

АҚ. ҚАРА. АҚЫЛДЫ.

Дүниедегі ең алғаш өзін-өзі үйрету тоңазытқышында AdaptTech зияткерлік салқындату жүйесі қолданылған және бұл жүйе менің тоңазытқышты ең жиі қай кезде ашатынымды анықтайды да,тоңазытқыштың жұмысын соған орай реттейді. Азық-түлік балғындығын әлдеқайда ұзағырақ сақтайды, ал мен өзімнің ақ және қара түсті Simplicity Collection аспаптарымнан одан әрі көбірек ләззәт аламын. It's so me!

AdaptTech салқындату

Тағам балғындығын 20%-ға ұзағырақ сақтайды

Бейімделгіш зияткерлік жүйесі күн сайынғы тоңазытқышты қолдану жайлы деректерді бақылап, талдап және тіркеп отырады. Бұдан әрі тоңазытқыштың жұмысы, әсіресе құрылған температура мен электр энергиясын пайдалану жүйесі белгілі режимге сай құрылады. Тоңазытқыш есігі ашық болған жағдайда, оның ішіндегі азық-түліктің температурасы (басқа тоңазытқыштармен салыстырғанда) өзгеріссіз бірқалыпты болады және бұл жағдай бактериялардың өрбуіне жол бермейді.

IonAir

Тағам балғындығы мен дәмділігін 10 күнге ұзағырақ сақтайды

Тоңазытқышта өндірілетін иондар бактериялардың,вирустардың, газдардың және иістердің 95%-н жояды, сол себепті тоңазытқыштың ішінде үнемі таза ауа сақталады.

NoFrost Plus

Қырау жоқ, мұз жоқ және қолдан мұз ерітуді қажет етпейді

NoFrost заманауи технологиясы, мұздату камерасы мен тоңазытқыш камерасындағы ылғалды жою үшін салқын ауаның қарқынды түрдегі айналымын пайдаланады. Бұл жағдай тоңазытқыштағы азықты қырау басуының және аспаптың қабырғасының ішкі жағына мұз қатуының алдын алады.

MultiFlow 360°

Ұзақ уақытты балғындық және электр энергиясын үнемді пайдалану

MultiFlow 360 ° қарқынды ауа айналымы жүйесі, тоңазытқыштың артқы қабырғасында орналасқан желдеткіш саңылаулары арқылы азықтардың салқын ауамен көп сарынды үрленуін қамтамасыз етеді және сол арқылы тоңазытқыштың барлық ішкі кеңістігінде тұрақты және бірқалыпты температура орын алады.

ТАЗАЛЫҚ. ЖАРЫҚ. БАЛҒЫНДЫҚ.

Ауа сорғышты қосу, сөндіру жайлы мүлде ұмытыңыз! Ауа ластанған уақытта AdaptAir автоматты түрде іске қослады да, жылдамдығын қажетті күйге келтіреді.  Галогендік жарықтандыру тағам әзірлеу барысын оңайлата түседі, ал болаттан және шыныдан жасалған бөлшектері менің ас үйіме ерекше көрік береді және Simplicity Collection-нің өзге де ақ және қара түсті аспаптарымен керемет үйлеседі. It's so me!

Функционалды дизайн

Бұл ауа сорғыштар жоғары тиімділігінен бөлек, жасалған материалдарымен де көзге түседі: олар тот баспайтын болаттан және шыныдан жасалған. Көз тартарлық дизайны уақыт өткен сайын көбірек мәнге ие болуда. Бұған қоса, ауа сорғыштар тағам әзірлеу барысында пісіру алаңын ыңғайлы жарықпен қамтамасыз етеді.

Галогенді жарықтандыру

Ауа сорғыштың тиімді жарықтандырылуы

Пісіру алаңын ұтымды түрде жарықтандыру үшін қосымша жарық көзі болып табылады. Галогенді шамдар, қызатын шамдарға қарағанда әлдеқайда қуаттырақ және анағұрлым үнемді жарықпен қамтамасыз етеді.

Оңай тазартылатын сүзгіштер

Оңай тазартылады және ұзақ уақыт бойы қызмет көрсетеді

Ауа сорғыштың май бөлшектерін ұстап қалуға арналған металдан жасалған сүзгіштерін шешіп алу және тазарту өте оңай. Сүзгіштерді қолмен жууға да, кір жуғыш машинада да, "ұқыпты жуу" бағдарламасын таңдай отырып жууға болады.

ЫҢҒАЙЛЫЛЫҚ. ОҢАЙЛЫҚ. ЖЫЛДАМДЫҚ.

Simplicity микротолқынды пештері тәрізді, өз қасиеттерінің барлығын қысқа уақыт аралығында көрсетіп үлгеретін аспаптар кемде кем. Тек бірнеше минут аралығында сіздің қалауыңыз орындалады. Үлкен көлемінен бөлек, ол түрлі тағам түрлеріне арналған бірнеше алдын-ала құрылған бағдарламаларға ие. Бұл пештер ақ және қара түсте болады. 

Оңай әрі ыңғайлы басқару

Микротолқынды пештер қарапайым электронды басқарумен жабдықталған және бұл басқару түрі нақты уақыт пен белгілі қыздыру режимін құруға мүмкіндік береді. Әрбір күйді түсінікті реттегіш көмегімен өзгерту оп-оңай.

Микро толқынды ысыту мен грильдің үйлесімділігі

Дәмді етіп қуыруға және ысытуға арналған

23 литрлік ауқымды көлемге ие Gorenje микротолқынды пештері микротолқынмен ысытуға қоса, инфрақызылмен ысыту артықшылықтарын да ұсынады. Гриль мен микротолқынның үйлесімділік функциясы өте жылдам түрде шағын жапырақ етті қуыруға, пицца пісіруге және т.б. мүмкіндік береді.

Алдын-ал құрылған бағдарламалар

Артық қимылды қажет етпейтін тез және ақылға қонымды таңдау

Барлық бағдарламалар ортақ реттегіш арқылы таңдалады. Алдын-ала таңдалған бағдарламалардың (пицца, балық, көкөніс, шоколадты еріту және т.б.) әрбірінің өзіне сай режимін таңдау, қуатын өзгерту және ысыту мерзімін ауыстыруға мүмкіндік беретін автоматты күйлері бар. Қажет болған жағдайда даярлау уақытын түзетіп отыруға болады. Бұдан басқа, Сіз тоқтатып қойған бастамаңызды немесе өзін-өзі тазарту бағдарламасын іске қоса аласыз.

Үнемділік. Бейімделушілік. МІНСІЗДІК.

Сығу барысындағы айналым саны мен су көлемін әр бағдарлама үшін мен өзім таңдаймын. Менің таңдауымды AdaptWash жадында сақтап қалады. Келесі жолы маған қайтадан осы күйді таңдаудың қажеті жоқ. Мен энергияны үнемдеу бойынша А +++ сыныбына кіретін және көз тартарлық қасиетке ие, ақ және қара түсті жаңа Simplicity Collection аспаптарын таңдаймын. It's so me!

AdaptTech-пен кір жуу

Бұрын таңдалған күйге қайта келтірудің қажеті жоқ

Кір жуғыш машина алдын-ала орнатылған әр бағдарлама үшін сіз таңдаған сығу циклін жадында сақтап қалады. Сонымен қатар, егер Сіз белгілі бағдарлама үшін көп мөлшерде су таңдаған болсаңыз немесе алдын-ала жуу кезеңін таңдаған болсаңыз, бұл машина оларды да жадында сақтап қалады. Егер сіз тиісті бағдарламаны қайта қолданғыңыз келсе, Сізге осы бағдарлама бойынша соңғы қолданған күйді орнату ұсынылады.

SensorIQ датчиктер технологиясы

Ең ұтымды нәтиже мен электр энергиясын, суды және уақытты анағұрлым үнемдеу

Көптеген датчиктер үнемі кір жуу барысын қадағалап отырады. Олар жинақталған деректер негізінде таңдалған бағдарлама, жуылатын заттың түрі мен санына қарай кір жуу барысын автоматты түрде құрады.

Кір жуу барысының басталуын бағдарламалау

Қажетті уақытта кір жуу

Барлық кір жуу машиналары кір жуу барысының басталуын 24 сағатқа дейін кейінге қалдыру функциясымен қамтамасыз етілген.

Үздік энергия тиімділігі

Көптеген инновациялық шешімдер қарастырылған, атап айтар болсақ: бағдарламаның тиімді түрдегі алгоритмі, арнайы құрастырылған OptiDrum дабылы, QuickWet ұтымды жібіту жүйесі, SensorIQ датчиктердің зияткерлік технологиясымен үйлесе отырып кірді жақсылап жууды және электр энергиясын үнемдеуді қамтамасыз етеді. Simplicity Collection желісіндегі кір жуғыш машиналардың моделі энергияны үнемдеу бойынша A +++ сыныбына кіреді және A-30% рейтингіне ие, яғни бұл машиналар А сыныбына кіретін басқа да тұрмыстық жиһаздармен салыстырғанда электр энергиясын 30% -ға азырақ пайдаланады.

Галерея

Посетите
нас на
Facebook
YouTube
Бөлісу
Facebook
Twitter